What is Matric Number? And What They’re Not Telling You in Nigerian Universities

If you don enter university or you dey process your admission, you go don hear people dey shout “What’s your matric number?” up and down. Some even carry am for head like say na surname. But wetin really be this matric number wey everybody dey talk? And why e important like this?

The painful part be say, most Nigerian universities no go tell you the full gist about your matric number. You go just wake up one day, dem go paste one list for department wall, your name go dey there with one long number. Na so your journey take start.

But relax, for this blog, Studentsdash go break everything down for you no grammar, no confusion. By the time you finish reading, you go sabi wetin be matric number, why you gats guard am well, and some hidden things dem no dey tell students.

But wetin really be this Matric Number? Why e important? Wetin dem no dey tell you as a student?

What is Matric Number?

Matric Number na the official number wey your school go give you once you don complete your registration and dem don recognize you as their own.

Forget your fine name wey your mama give you, once you enter university, na your matric number be your real identity.

in most universities you can still uses your Jamb reg no as your matric number if you haven’t gotten the sch reg no

Example:

• EBSU/2024/000000

• EBSU/2023/0101010101010

• EBSU/2022/REGNO

• 202410101010HA

Different schools get different formats, but one thing sure once you get am, na your property till you graduate.

Why Matric Number Dey Important?

Omo, e get reason why everybody dey shout about this thing your matric number na your life for school.

• Na am you go use register courses

• Na am dem go call for exam attendance

• Na your matric number dey enter result sheet — no be your name

• If anything loss, na your matric number dem go trace

• Na am go follow you do NYSC and even collect certificate

In fact, if you like sabi book like Albert Einstein, once your matric number no dey, na zero o!

Wetin Dem No Go Tell You About Matric Number

See eh, no let anybody deceive you — matric number pass wetin you dey think.

Here is the bitter truth wey dem no go ever tell you:

1. Mistake fit cost you your result: Write another person number, na another person go carry your mark.

2. Some lecturers no dey mark script wey no get matric number: You fit write finish, dem no go even open your script.

3. Na once dem dey give am: Once you collect am, no changing till you graduate — even after school, na still that number dem go use find your file.

4. Everything for school dey revolve around am: From payment, to result checking, to final clearance — na matric number dem dey ask.

How You Go Get Your Matric Number?

• First clear your school fees and acceptance

• Do your clearance

• Some schools go paste am for departmental board (but for ebsu, u go see am for your portal)

• Others go send am online

• Some dey give you after Matriculation

Once you don get am, carry am like gold na your survival key for that school.

Final Words from Studentsdash

Matric number no be just number — na your identity, na your face, na your voice for school.

If you lose am, you can go to FO for school to trace am.

Advice be say:

• Save am for your phone

• Write am for book

• Memorize am

• Guard am jealously

Because last last, na your matric number go graduate, no be your name.

For Nigerian universities, make you no ever dull Studentsdash get your back with correct school gist.